የኢትዮጵያ አየር መንገድ በአፍሪካ የመጀመሪያውን ኤር ባስ A350-1000 የመንገደኞች አውሮፕላን በመረከቡ የኢትዮጵያ ንግድ ባንክ ደስታውን ገልጿል፡፡ የባንኩን ፕሬዚዳንት የእንኳን ደስ አላችሁ መልዕክት የኮርፖሬት ኮሙኒኬሽን ዳይሬክተሩ አቶ አልሠን አሰፋ ለኢትዮጵያ አየር መንገድ ግሩፕ ምክትል ዋና ሥራ አስፈጻሚ አስረክበዋል፡፡ ምክትል ዋና ሥራ አስፈጻሚው አቶ ለማ ያዴቻ ባንኩና አየር መንገዳቸው የትብብርና ደንበኝነት አኩሪ ታሪክ አላቸው ብለዋል፡፡ ‹‹ሁለቱም ተቋማት የኢትዮጵያውያን ኃብት በመሆናቸው የማይነጣጠሉ ናቸው። ቀደም ባሉ ዓመታት በርካታ ስኬቶችን በጋራና በትብብር በመስራት ያሳኩ ሲሆን ለወደፊቱም ይህ አጋርነት ተጠናክሮ ይቀጥላል። ክቡር ፕሬዚደንትንም ባንኩንም ለመልካም ምኞታቸው እናመሰግናለን፡፡›› ሲሉ ተናግረዋል፡፡ የኢትዮጵያ ንግድ ባንክ ፕሬዚደንት በመልዕክታቸው ለአየር መንገዱ አመራሮችና ሠራተኞች እንኳን ደስ አላችሁ ያሉ ሲሆን ‹‹ስኬትን ለአየር መንገዳችን ዘወትር እንመኛለን፡፡›› ብለዋል፡፡