ምዝገባው ታህሳስ 15 /December 24, 2024/ ይጠናቀቃል፡፡ የኢትዮጵያ ንግድ ባንክ የስያሜ ስፖንሰር የሆነበት ነጋድራስ የሥራ ፈጠራ ውድድር በየዙሩ 1.8 ሚልዮን ብር እንዲሁም ለአሸናፊዎች አሸናፊ 5 ሚሊዮን ብር ሽልማት፤ ምርጥ አምስት ዉስጥ ለሚገቡ ተወዳዳሪዎች ደግሞ ያለማስያዣ የብድር እድል ከኢትዮጵያ ንግድ ባንክ የሚያገኙበት የምእራፍ አራት ምዝገባ ሊጠናቀቅ ሁለት ሳምንት ብቻ ይቀራል፡፡ የሥራ ሀሳብዎን ወደ ነጋድራስ በማምጣትዎ ስራዎን ያስተዋዉቃሉ፤ ከአንጋፋ ዳኞች ጠቃሚ ምክር ያገኛሉ ፤ ያለማስያዣ የብድር ዕድል ተጠቃሚ ይሆናሉ ፡፡ ለመመዝገብ ሊንኩን (https://ebc.et/NegadrasRegistration.aspx) ይጠቀሙ፡፡ ይመዝገቡ ፤ ይወዳደሩ፤ ይሸለሙ!  

ለክቡራን የባንካችን ደንበኞች ***** ባንካችን የአገልግሎት ክፍያ ማሻሻያ በሚያደርግበት ወቅት ለክቡራን ደንበኞቹ ቀደም ብሎ እንደሚያሳውቅ ይታወቃል። በዚህ መሠረት ባንካችን በሚሰጣቸው የብድር፣ የቅርንጫፍ እና የዲጂታል፣ እንዲሁም በዓለም አቀፍ የባንክ አገልግሎቶች ላይ በቅርቡ የብድር ወለድ እና የአገልግሎት ዋጋ ማሻሻያ የሚያደርግ መሆኑን ለክቡራን ደንበኞቻችን እናሳውቃለን። ******* የኢትዮጵያ ንግድ ባንክ ሁሌም የሚተማመኑበት ባንክ!

የኢትዮጵያ ንግድ ባንክ የነጋድራስ የሥራ ፈጠራ ውድድር የቴሌቪዥን ፕሮግራም የስያሜ ስፖንሰር ነው። ነጋድራስ የኢትዮጵያ ንግድ ባንክ የሥራ ፈጠራ ውድድር የምዕራፍ አራት ምዝገባ እየተካሄደ ነው። ነጋድራስ በየምዕራፉ 1.8 ሚሊየን ብር ይሸልማል። ለ አሸናፊዎች አሸናፊ ደግሞ 5 ሚሊዬን ብር ተዘጋጅቷል። የኢትዮጵያ ንግድ ባንክ በምርጥ አምስት ውስጥ ለሚካተቱ ተወዳዳሪዎች ደግሞ ያለማስያዥያ የብድር እንዲያገኙ አመቻችቶላቸዋል፡፡ ለመመዝገብ ይህንን ሊንክ ይጠቀሙ፦ https://ebc.et/NegadrasRegistration.aspx ተመዝገቡ፣ ተወዳደሩ፣ አሸንፉ! የኢትዮጵያ ንግድ ባንክ ሁሌም የሚተማመኑበት ባንክ!

ለኢትዮጵያ ንግድ ባንክ ሸማ ተራ ቅርንጫፍ ተገልጋይ ደንበኞች በሙሉ ******************* ትናንት ምሽት (ጥቅምት 11 ቀን 2017 ዓ.ም) በተለምዶ ሸማ ተራ ተብሎ በሚጠራው አካባቢ በነባር የገበያ ማዕከል ሕንጻ ላይ በደረሰ የእሳት አደጋ ጉዳት ምክንያት ሸማ ተራ ቅርንጫፋችን ላልተወሰነ ጊዜ አገልግሎት የማይሰጥ መሆኑን እናስታውቃለን፡፡ ከአደጋው ጋር በተያያዘም ወደ አዲስ ከተማ እና ሽንኩርት ተራ ቅርንጫፎቻችን የሚወስዱ መንገዶች ዝግ መሆናቸውን ተከትሎ ለዛሬ አገልግሎት የማይሰጡ መሆናቸውን ለውድ ደንበኞቻችን እንገልጻለን፡፡ በመሆኑም ደንበኞቻችን፡- 1. ሳህን ተራ 2. መሀል ገበያ 3. ጎማ ተራ 4. ቦምብ ተራ 5. መርካቶ 6. ሁነኛው መራ 7. ሸራ ተራ 8. ሳጥን ተራ 9. ሲዳሞ ተራ እና ሌሎች በአቅራቢያችሁ በሚገኙ ቅርንጫፎቻችን አገልግሎት ማግኘት እንደምትችሉ እናስታውቃለን፡፡ የኢትዮጵያ ንግድ ባንክ

የኢትዮጵያ ብሔራዊ ባንክ ሐምሌ 22 ቀን 2016 ዓ.ም. በውጭ ምንዛሪ አስተዳደር ሥርዓት ላይ ማሻሻያ ማድረጉ ይታወሣል፡፡ ይህ ለውጥ ኢትዮጵያን ተወዳዳሪ ወደሆነና በገበያ ላይ ወደተመሠረተ የውጭ ምንዛሪ ሥርዓት እንደሚያሸጋግራት የታመነበት ሲሆን ይህንኑ ለማስፈጸም አዲስ የውጭ ምንዛሪ መመሪያ ተዘጋጅቶ በሥራ ላይ ውሏል፡፡ ይኸውም ባንኮች የውጭ ምንዛሪ ገቢያቸውን ለማሣደግ የሚረዳ ሲሆን ከገበያዉ ላይ የውጭ ምንዛሪ ተወዳድረው እንዲገዙ ያግዛል፡፡ ቀደም ብሎም ባንኮች የውጭ ምንዛሪ ለደንበኞቻቸው የሚደለድሉበት የቀድሞው አሠራር የተሻረ በመሆኑ ለደንበኞች ጥያቄ ቶሎ ምላሽ ለመስጠትና የውጭ ምንዛሪ አቅርቦትን ቀልጣፋ ለማድረግ አስቻይ ሁኔታ ፈጥሯል፡፡ ባንካችንም አዲሱ የውጭ ምንዛሪ አስተዳደር ማሻሻያ ከተደረገበት ጊዜ ጀምሮ የውጭ ምንዛሪ ምንጩን ለማሣደግ በገበያው ላይ ተወዳዳሪ የምጣኔ ተመን በመስጠት እየሠራ ሲሆን የውጭ ምንዛሪ ለደንበኞች በመስጠት የውጪ ገቢ ንግድ የተቀላጠፈ እንዲሆን አስተዋጽኦ እያደረገ ይገኛል፡፡ በዚህም መሠረት ከሐምሌ 22 ቀን 2016 ዓ.ም. እስከ መስከረም 30 ቀን 2017 ዓ.ም. ድረስ በአራት ዙር የአሜሪካን ዶላር 282,459,436.76 ለበርካታ ደንበኞች መደልደል ችሏል፡፡ የውጭ ምንዛሪ ፍቃድ የተሠጣቸው ደንበኞች በተለያየ የሥራ ዘርፍ ላይ ያሉ ሲሆን ፋብሪካዎች፤ የገቢ እና ወጪ ንግድ ፍቃድ ያላቸው፡ መድኃኒት አምራቾች፤ አገልግሎት ሰጪዎች፤ የመንግስትና ሕዝብ ተቋማት እና በውጭ ኢንቨስትመንት የተቋቋሙ ድርጅቶች ይገኙበታል፡፡ ከዚህም ውስጥ፤ ለፋብሪካ ጥሬ እቃ እና ለተጠቃሚ የሚቀርቡ የተለያዩ የምግብ፤ መድኃኒት እና መገልገያ ቁሣቁሶች መግዣ------------------- የአሜሪካን ዶላር 208,290,167.10 ለማሽነሪዎች መግዣ-------------------------------------- የአሜሪካን ዶላር 42,777,753.94 ለመለዋወጫ መግዣ ------------------------------------- የአሜሪካን ዶላር 18,153,777.53 ለአገልግሎትና የተለያዩ ክፍያዎች -------------------------- የአሜሪካን ዶላር 13,237,737.99 በአጠቃላይ የአሜሪካን ዶላር 282,459,436.76 የተደለደለ ሲሆን ደንበኞች አጠቃቀማቸዉ አዝጋሚ ቢሆንም የተፈቀደላቸውን የውጭ ምንዛሪ በመጠቀም ላይ ይገኛሉ፡፡ እስከ አሁን ያለዉ አማካይ አጠቃቀምም 28% ብቻ ነዉ፡፡ የኢትዮጵያ ንግድ ባንክ ለክቡራን ደንበኞቹ ማረጋገጥ የሚፈልገው የውጭ ምንዛሪ ድልደላን የውጭ ምንዛሪ ፍላጎት ለሚኖራቸው ሥራዎች ሁሉ ቀጣይነት ባለው መልኩ በመደበኛነት የሚያከናውን መሆኑን እየገለፀ አዲሱ የውጭ ምንዛሪ አስተዳደር ፖሊሲ ለባንኮች አዋጭነትን ባገናዘበ መልክ ድልደላ እንዲያካሂዱ መፍቀዱ ቀድሞ የነበረውን ሁኔታ መቀየር ማስቻሉን ለማስገንዘብ እንወዳለን፡፡