አለም አቀፍ የንግድ አገልግሎቶች

በሰነድ መያዣነት የሚሰጥ ብድር /ኤል ሲ/፡-

• ባንኩ ለሻጭ በጽሑፍ የሚገባው ውል ነው፤ • ውሉ የሚገባው በገዥ ጥያቄ ወይም ትእዛዝ መሠረት ባንኩ ለሻጭ ክፍያ ይፈጽም ዘንድ ወይም ሻጩ የሽያጭ ሰነዱን (ድራፍት) ሲያቀርብ ነው፤ • ውሉ የሚከፈለውን የገንዘብ መጠን እና የተቀመጠለትን የጊዜ ገደብ ከተጨማሪ ሰነዶች ጋር በማመሳከር ይገልጻል።

• የገቢ ንግድ ኤል ሲ ብድር- አስፈላጊ ሰነዶችን በማየት የሚከፈል/በድርድር የሚከፈል/ ቆይቶ የሚከፈል*/ በመስማማት የሚከፈል*፤ *በብሔራዊ ባንክ ሲጸድቅ
• የወጭ ንግድ ኤል ሲ ብድር - አስፈላጊ ሰነዶችን በማየት የሚከፈል/በድርድር የሚከፈል/ የክፍያ ቢሎችን በመቀበል የሚከፈል፣

የንግድ ሰነድ መሰብሰብ፡-

• ባንኮች የሻጮችን የንግድ ሰነዶች (ከገንዘብ ነክ ሰነዶች ጋር ወይም ያለ ገንዘብ ሰነዶች) ከእነሱ በሚሰጣቸው ትእዛዝ መሠረት የሚያንቀሳቅሱበት አሠራር ነው፤ • ባንኮች ሰነዶችን ለገዢዎች (አስመጪዎች) እንዲያቀርቡ የሚያደርግ አሠራር ሲሆን ይህም ገዢዎች ክፍያ ሲፈጽሙ (ወይም ሳይፈጽሙ) ወይም በሌሎች ዉሎች እና መስፈርቶች መሠረት ይከናወናል።

የቅድመ ክፍያ አገልግሎት

የቅድመ ክፍያ አገልግሎት (ሻጩ እንዲላኩ የተወሰኑትን እቃዎች ወይም አገልግሎቶች ለገዢው ከማድረሱ በፊት ክፍያ የሚያገኝበት መንገድ)

• የገቢ ንግድ - በባንክ በኩል በሚደረግ የገንዘብ ዝውውር የሚፈጸም ክፍያ
• የወጪ ንግድ - በባንክ በኩል በሚደረግ የገንዘብ ዝውውር፣ በተጓዥ ቼኮች፣ በጥሬ ገንዘብ (በጉምሩክ ከተመዘገበ) የሚፈጸም ክፍያ

በአደራ መልክ የሚፈጸም ክፍያ፡-

• እቃዎች በውጭ አገር በሚገኝ ወኪል (አከፋፋይ) አማካይነት እስከሚሸጡ ድረስ የእቃዎቹ ባለቤትነት ከሻጩ ጋር የሚቆይበት የክፍያ መንገድ ነው፤ • ወኪሉ (አከፋፋዩ) ሸቀጦቹን የሸጠ እንደሆነ ብቻ ሻጩ ክፍያውን ሊቀበልበት ይችላል።

• የወጪ ንግድ- በቀላሉ ሊበላሹ የሚችሉ እንደ ፍራፍሬ፣ አበባ፣ ሥጋ፣ ሞላሰስ የመሳሰሉ ምርቶችን ለመሸጥ በብሔራዊ ባንክ ሲፈቀድ ሊውል ይችላል

የዋስትና አገልግሎት፡-

• አንድ ባንክ/ዋስትና ሰጪ ለተጠቃሚው (በአገር ውስጥም ይሁን በውጪ አገር ላለ) የዋስትና ደብዳቤ የሚሰጥበት አገልግሎት ነው፤ • ግዴታዉን መፈጸም ያለበት አካል ግዴታውን በተቀመጠው ዉል መሠረት ሳይፈጽም በሚቀርበት ጊዜ ተጠቃሚው በተስማማበት ውል/ሰነድ መሠረት እንዲካስ (የተጠቀሰው ገንዘብ መጠን እንዲከፈለው) ለማድረግ የታቀደ ነው፤

• የጨረታ ቦንድ
• የሥራ አፈጻጸም ቦንድ
• የቅድመ ክፍያ ዋስትና
• የብድር ዋስትና፤ ግዴታ የመወጣት ዋስትና
• የጉምሩክ ቀረጥ ዋስትና

የፍራንኮ ቫሉታ ፈቃድ

የፍራንኮ ቫሉታ ፈቃድ (አስመጪዎች የውጭ ምንዛሬ መክፈል ሳያስፈልጋቸው ሸቀጦችን ወደ አገር ውስጥ ለማስገባት እንዲችሉ የሚሰጥ ፈቃድ)

አነስተኛ የወጪ ንግድ እቃዎች የማስወጣት ፈቃድ

አነስተኛ የወጪ ንግድ እቃዎች የማስወጣት ፈቃድ (የውጭ አገር ጎብኝዎች ወይም ትውልደ ኢትዮጵያዊያን የስጦታ እቃዎችን፤ ሳምፕሎችን፤ ስጦታዎችን፤የሚጠገኑ እቃዎችን፤ የኢግዚቢሽን እቃዎችን እና የግለሰቦች መገልገያ እቃዎችን የመሳሰሉ አነስተኛ እቃዎችን ያለ ቀረጥ ከአገር ማስወጣት እንዲችሉ የሚሰጥ ፈቃድ)።